gan
Einir Ryder
A hithau yn flwyddyn fawr i Dreialon Cwn Defaid a Sioe Cwmsychpant a’r Cylch eleni roedd paratoadau ar y gweill i ddathlu’r flwyddyn mewn steil, ond roedd gan Covid-19 syniadau hollol wahanol.
O ganlyniad i’r clo mawr roedd hi’n anochel y byddai’n rhaid gohirio’r sioe fel ag yr oedd am eleni, ond doedd hyd yn oed Covid ddim yn mynd i stopio’r sioe fach rhag cynnal digwyddiad i nodi dyddiad y sioe. Penderfynwyd i gynnal sioe rithiol ar ddiwrnod arferol y sioe a’i alw yn @Sioecwm.
Bu cystadlu brwd ym mhob un o’r adrannau lle gystadlodd 131 o bobl a derbyniwyd 460 o eitemau ac rydym yn hynod ddiolchgar i bob un o rhain a gefnogodd y sioe eleni.
Rydym hefyd yn ddiolchgar i bob un o’r beirniaid a gytunodd i feirniadu mewn modd hollol wahanol i’r hyn sydd yn arferol. Diolch byth am y dechnoleg fodern.
Dyma fideo o canlyniadau’r Adran Goginio isod, ond os am wylio canlyniadau’r sioe i gyd ewch am dro i dudalen Facebook Treialon Cwn Defaid a Sioe Cwmsychpant. Gallaf eich sicrhau chi y cewch wledd i’r llygaid. Ymlaen yn awr i sioe 2021!