gan
Lauren Ann Jones
Mae’n ŵyl y banc penwythnos yma ac yn adeg helfa drysor i ni fel clwb yn Llanwenog ac rydyn ni am roi ‘twist’ fach wahanol arni eleni trwy wneud un yn ddigidol oherwydd yr amgylchiadau sy’n seiliedig ar ardal Plwyf Llanwenog.
Fe fydd cyfle i chi gwblhau’r helfa dros y penwythnos heb adael eich cartref a glynu at reolau’r Llywodraeth!
I gymryd rhan fe fydd angen i chi fynd ar ein tudalen facebook ‘Cyfeillion C.Ff.I Llanwenog’ o 7:30yh nos Wener ymlaen i gael yr helfa. Gallwch gwblhau yr helfa unrhyw amser o nos Wener hyd at 5yh Dydd Llun.
Pan fyddwch wedi cwblhau’r helfa, anfonwch nhw ata i (Lauren Jones, cadeirydd y clwb) neu Meinir Davies (ysgrifenyddes y clwb) naill ai trwy facebook messenger personol neu’r clwb neu trwy ebost (laurenannjones@hotmail.co.uk / meinirdavies97@hotmail.co.uk)
Nid oes tâl ar gyfer cymryd rhan ond byddwn yn ddiolchgar iawn am unrhyw gyfraniad trwy ein tudalen ‘Just Giving’ (bydd yn agor nos Wener ar ein tudalen facebook) a fydd yn mynd tuag at Ward Padarn Ysbyty Glangwili lle mae Geraint Williams, Tynllyn, tad Rhys a Nia sy’n aelodau gyda ni yn derbyn triniaeth.
Os nad ydych ar facebook ond hoffech gopi papur o’r helfa gallwn delifro un i’ch stepen drws!
Mae ‘na groeso i unrhyw un i gymryd rhan felly rhannwch y neges, diolch!