gan
Dylan Lewis
Mae Heddlu Dyfed Powys newydd gyhoeddi: “Mae presenoldeb cryf o heddlu yn ardal Heol y Wig yn Llanbed wrth i swyddogion chwilio am berson sydd dan amheuaeth o fod mewn cysylltiad ag ymosodiad difrifol.”
Pwysleisia’r heddlu “Fe allai’r sawl sydd dan amheuaeth geisio bodio am lifft, a rhybuddir aelodau’r cyhoedd i beidio â stopio am unrhyw un ar ochr y ffordd ar yr adeg hon.”
Esbonnir bod gwiriadau ffordd hefyd yn cael eu cynnal ar yr A485, i’r de o Langeitho, mewn cysylltiad â’r chwilio.
Ychwanega’r datganiad “Credir bod y dyn yn gwisgo cot khaki, a throwsus gwyrdd tywyll. Os bydd unrhyw un yn gweld y dyn, gofynnir iddynt beidio â mynd ato ond riportio’r digwyddiad trwy ffonio 999.”