Nid fi yw hwn
Er mwyn gadael sylw, mae angen mewngofnodi neu ymuno â’r safle.
gan
Nia Wyn Davies
Dyma gyfle i ni gyd i hel atgofion am EIRA 1982, 40 o flynyddoedd yn union yn ôl.
Ewch ati i dwrio yn yr albym lluniau neu dyddiaduron i weld a oes gyda chi atgofion i’w rannu.
Lori yn dod nôl o Gribyn.
Tractor ar top rhiw Pwll y bryn.
Dyma luniau gan Marian Morgan neu Marian, Maesnewydd.
Hewl Llanwnnen i Cribyn yw hon ar bwys Maesmynach. Method Eirwyn fynd â’r lori lan rhiw Llanwenog ac aeth a hi nôl i Llysmynach a bu’r lori yno am o leiaf 9 diwrnod. Cerddod dad adre i Maesnewydd.
Dydd Llun, 11eg
Sych ond yn rhewi’n galed.
Gareth allan yn glanhau’r eira i Hetty. Ni ein 3 a Lilwen lan yn siopa a mofyn bara o Llambed. Yr hewl yn wael, ond fe ddaethom adre yn saff. Yna, fe aethom lawr a bara i Clettwr Side yn Pontsian. Croesi caeau a mynd trwy lluwchfeydd uchel iawn. Gareth allan gyda Eifion yn mynd a llaeth i gwrdd a tanker.
Dydd Sul, 10fed
Gwynt cryf yn y bore, sych ond yn oer.
Gareth wrthi yn clirio’r eira yn y bore.
Aethom allan yn y car ond gorfod troi nôl ar bwys Maesnewydd. Gareth wedi bod yn Pantmeddyg yn helpu Dai wrth y defaid.
Dydd Sadwrn, 9fed
Bwrw eira.
Wedi lluwchio ddifrifol yn y nos ac ar y bore yn ymyl Llysmeddyg. Lluwch tua 10troedfedd. Gareth lan yn Blaenhirbant yn mofyn llaeth. Y tywydd gwaethaf a gafwyd yng Nghymru ers 1947. Gareth draw gyda Emlyn a Danny yn mofyn bara o Llanybydder. Dim byd yn pasio ar yr hewl o gwbl.
Dydd Gwener, 8fed
Bwrw eira drwy’r dydd. Gwynt cryf. Lluwchio uchel ymhobman.
Gareth adre yma heddi. Wedi bod yn clirio’r eira sawl gwaith. Bu hefyd yn clirio tu allan i Arfryn. Diwrnod gwael ofnadwy. Dim cerbyd wedi pasio ar ôl 8.00yb. Tawel iawn ydoedd. Dim post na llaeth. Gwynt cryf ofnadwy yn ystod y nos.
Dyma ambell i bwt o dyddiadur Mary Davies a oedd yn byw yn Brynmeddyg, Cwmsychpant ar y pryd.
Ionawr 1982
8fed a 9fed –
Bwrw eira ofnadwy. Lluwchio eira. Yr hewl fawr drwy Gymru yn blocked. Pop peth ym mhom man ar standstill.