Sioe Gorsgoch yn 40 oed

Mae Sioe Amaethyddol Cylch Gorsgoch a Chlwb Ffermwyr Ifanc Llanwenog yn dathlu pen-blwydd yn 40 oed eleni!

Cafwyd penwythnos yn llawn digwyddiadau a dathliadau, gan gynnwys sioe amaethyddol, cynnyrch, ceffylau a hen beiriannau, ocsiwn, rasio Soapbox, cneifio cyflym, cerddoriaeth gan Gwi Jones ac Elin Haf Vaughan-Jones a llawer mwy.

Yn wahanol i’r arfer, roedd y Sioe yn ddau ddiwrnod o ddathliad, gan ein bod ni’n dathlu. Diolch i bawb am y gefnogaeth arbennig dros y deuddydd.

Cynhaliwyd y cyfan ar gaeau Glwydwern, Llanwnnen, trwy garedigrwydd Elfyn a Sharon Morgans. Elusen y sioe oedd Tir Dewi.

Mr Eifion a Mrs Gwerfyl Morgans oedd llywyddion y dydd. Mae Eifion yn wyneb cyfarwydd iawn i’r sioe, wedi bod yn ysgrifennydd am 25 o flynyddoedd ac yn weithgar o hyd.

Bydd adroddiad llawn o’r canlyniadau yn Clonc mis nesaf, ond dyma ambell lun a fideo o’r digwyddiad i chi nes hynny.

Am fideo o luniau’r dydd Sadwrn, cliciwch yma.

Mae ambell fideo ar Facebook y Sioe hefyd os hoffech weld mwy.