gan
Siona Evans
Ar ddydd Sadwrn 25ain o Fehefin dathlodd Llanybydder ei 60fed carnifal ac roedd yn ddiwrnod llwyddiannus iawn efo’r glaw yn sefyll bant.
Dechreuodd yr wythnos efo gymanfa ganu a Carys Griffiths-Jones yn arwain a nifer o dalentau’r pentref yn perfformio.
Nos Lun yr oedd yna fingo ac roedd y clwb rygbi yn llawn.
Nos Fawrth yr oedd yna helfa drysor ar droed, lle enillodd Clare, Gavin, Tommy, Rhian ac Elin y wobr.
Nos Iau yr oedd helfa drysor mewn car, lle enillodd Siona, Meinir, Emma a Bethan.
Nos Wener yr oedd yna gwis, lle enillodd tîm ‘Kevin the Pig’. Da iawn i bawb a diolch i bawb am gymeryd rhan.
Ar y fflot yn y carnifal roedd Amy Rees fel y Frenhines, Bronwen Miles ac Rinoa Farmer fel y morwynion, Lucjan Sczewzak-Glasson fel y Tywysog a Cadi Ann Cope fel y Tylwyth Teg. Yr oeddent yn edrych yn brydferth iawn.
Llywyddion y carnifal oedd Barry a Sheila Jones ac hoffai’r pwyllgor ddiolch yn fawr iddynt.
Gwisgodd pawb yn ffantastig ac yr oedd gwaith caled gan Barry a Sheila eu beirniadu. Enillodd Kimberly Rees wobr y wisg orau yn gwisgo fel Mary Poppins.
Nos Sadwrn yr oedd adloniant i’r plant gan Crazy Clayton ac yn dilyn efo cerddoriaeth o’r Beatles. Noswaith llawn hwyl i orffen yr wythnos.
Hoffai pwyllgor pentref Llanybydder ddiolch i bawb am eu cefnogaeth ac am wythnos lwyddiannus iawn.