gan
lena daniel
Ysgrifennaf yma ar ran Huw fy mrawd, Alison a’r teulu i ddiolch i holl aelodau Côr Cwmann am y dechreuad gwych i ddathliadau parti Huw yn 60 yn Llanrhystud ym mis Ebrill.
Yn gynta diolch am gadw’r gyfrinach tan yr eiliad gerddoch chi mewn i’r adeilad! ‘Roedd y ‘build up’ mor ddramatig wrth weld ‘Y Maroon Army’ yn cerdded o’r pellter tuag at y patio doors. Fe glywes cwpwl o’r tourists o’dd yn eistedd tu fas yn gweud “What on earth is happening?”
Dagrau hapus o’dd gyda Huw pan welodddd e chi gyd yn cerdded mewn gyda llaw!!!
Diolch arbennig i’r ddwy Elonwy am ddewis rhaglen mor hwylus ac angerddol. Mi wnaeth y caneuon blesio pob oedran – o 8 mis oed lan i 87 blwydd oed!!!
Rhaid canmol y ddwy hefyd am ddenu y rhai lleia’ mas i ganu/weiddi gyda chi! (Nid bod angen rhyw lawer o berswâd!) ‘Rwyn siwr bydde ambell i arweinyddes a chyfeilyddes yn edrych yn gas wrth glywed lleisiau “estron” yn amharu ar y perfformiad ond annog y merched i ganu gydag angerdd a wnaeth y ddwy whara teg! Fe sylweddolom wrth edrych nôl dros y fideos faint oedd aelodau’r côr yn helpu’r plant i fod yn gartrefol yn eu plith! Diolch am ‘na ‘fyd fechgyn!
Go lew chi am ‘fabwysiadu’ Arek y Chef am ychydig hefyd! “It was the best day of my life” oedd ei eiriau wrth fynd nôl at y bwyd! Rhaid diolch i Kees am roi fenthyg jaced y côr iddo yn yr ail hanner. Gobeithio bod ddim gormod o arogl bwyd arni pan gafodd hi nôl!!!
Diolch arbennig iawn am y cyfle i Huw a Rhys, ei fab ganu Myfanwy gyda chi – profiad llawn emosiwn i’r 2.
‘Roedden ni fel teulu yn ddiolchgar iawn i rhai o’r aelodau am rannu atgofion o Dad gyda ni ar ôl y perfformiad hefyd. Fel gyhoeddes i yno ‘roedd Côr Cwmann yn bwysig iawn iddo a bob nos Fercher yn sanctaidd oherwydd yr ymarferion. ‘Doedd dim byd a dim neb fod amharu ar rheiny! Eto o edrych ar y fideos fe welwyd tair cenhedlaeth o’r teulu yn canu gyda chi ar y diwedd – bydde Dad MOR browd!
Llongyfarchiadau enfawr i Geraint am gyflwyno dy gyngerdd cyntaf fel Cadeirydd y côr mor gysurus a hwylus! ‘Roeddet yn hollol gartrefol yn dy swydd newydd ac yn sicr mae dyfodol Côr Cwmann mewn dwylo saff gyda ti wrth y llyw!
Yn olaf diolch am yr anrhegion a gyflwynoch i Huw – nid oedd angen ond ‘roeddent wedi plesio fy mrawd yn fawr!
I orffen rhaid dyfynnu rhyw fenyw o Dudley West Midlands a o’dd yn sefyll yn y maes carafannau dros y penwythnos ac yn gwrando tu fas arnoch yn canu “I’ve never heard a choir singing live before – they were so amazin’, they gave me goosebumps”. Sdim gwell clôd i gael bois!!!
Gyda llaw rwy’n credu fod pawb wedi mwynhau eich cyflwyniad siwt gymaint fe godoch galonnau’r gynulleidfa a’u hysbrydoli i gyfrannu’n hael tuag at elusennau Ysbyty Felindre a Mind Aberystwyth yn lle anrhegion – cyfanswm o £1000!!!
Pob dymuniad da i Gôr Cwmann yn y dyfodol – a rwy’n gobeithio dala lan gyda chi yn ystod dathliadau 60 blwyddyn o ganu bendigedig! Llongyfarchiadau!
Cofion cynnes i chi gyd. Diolch eto o waelod calon a diolch am gyfraniad hael y côr tuag at Ysbyty Felindre.