gan
ELERI THOMAS
Wythnos Codi Ymwybyddiaeth am y Draenog 5-11 Mai 2024
Dysgu sut i wneud llwybr hawdd yn yr ardd ar gyfer y draenog yn Llyfrgell y Dref.
Gosod gwagle o 13cm x 13cm fel bod y draenog yn medru derbyn mynediad i’r ardd.
Nicola Cascade yn cefnogi’r wythnos ac yn son fod draenog yn byw yn ei gardd ond heb fod yn gweld llawer ohono gan mai creadur y nos yw. Os welwch y draenog yn y dydd y mae’n debygol ei fod yn sal.
Lillian Perchennog Granny’s Kitchen, yn cefnogi materion yn ymwneud a’r amgylchedd ac yn son fod teulu o ddraenogod ger ei chartref.
Wythnos Codi Ymwybyddiaeth am y Draenog 5-11 Mai 2024
Mae’r draenog bellach wedi dihuno o’i aeafgwsg.
Un Ffaith am y Draenog:
Oeddech chi’n gwybod y gall y draenog eich helpu yn eich ymgais i dyfu llysiau o’r ansawdd uchaf yn eich gardd neu’ch rhandir?
Mae llawer sy’n poeni am yr amgylchedd yn amharod i ddefnyddio plaladdwyr. Mae’r effaith ar fywyd gwyllt yn ddinistriol gan nad yw plaladdwyr yn lladd plâu yn unig, maent hefyd yn gwenwyno anifeiliaid diniwed. Erys rhai plaladdwyr yn y gadwyn fwyd a’r effaith hirdymor heb fod yn hysbys.
Beth am geisio annog plaladdwyr naturiol i’ch gardd yn lle defnyddio cemegau niweidiol?
Gall y draenog gostyngedig eich helpu. Mae’n wych am gael gwared ar blâu gardd fel chwilod, lindys ac infertebra eraill sy’n hoffi bwydo ar eich cnydau.
Yn anffodus, mae nifer y draenogod wedi gostwng yn y DU yn ystod y blynyddoedd diwethaf.
A ydych am ddysgu rhagor am y mamal diddorol hwn a sut i’w helpu?
Cynhelir Wythnos Codi Ymwybyddiaeth Draenogod rhwng ddydd Sul 5 Mai 2024 – ddydd Sadwrn 11 Mai 2024. Cydlynwyd gan Gymdeithas Cadwraeth Draenogod y Deyrnas Unedig.
Dilynwch #hedgehogweek ar y cyfryngau cymdeithasol am gystadlaethau, ffeithluniau ac awgrymiadau gorau seleb yn ystod yr wythnos.
Mae gwneud ein gerddi’n le diogel ar gyfer bywyd gwyllt yn flaenoriaeth i lawer sy’n poeni am yr amgylchedd.