gan
Nia Wyn Davies
Dewi Jones, y Cadeirydd yn trosglwyddo siec i Tomos a Dyfan Lewis, Tir Dewi.
Dewi Jones, y Cadeirydd yn trosglwyddo siec i Dai Davies, RABI.
Yn ddiweddar, cyflwynodd Côr Cardi-Gân sieciau i wahanol elusennau. Y ddwy elusen oedd RABI a Tir Dewi a derbyniodd cynrychiolwyr y ddwy siec gwerth £500 yr un.
Dywedodd Carys Jones a Dai Davies:
“bod yr arian yma yn werthfawr iawn ar gyfer gwaith mae’r elusennau yn gwneud”.
Casglwyd yr arian yn ystod y blynyddoedd diwethaf drwy gynnal gwahanol ddigwyddiadau a Canu Carolau.
Mae’r côr yn ymarfer bob nos Fercher yn Y Gwndwn, Campws Theatr Felinfach am 7.45yh. Mae yna groeso cynnes i aelodau newydd bob amser. Rydym yn paratoi nawr tuag at y Nadolig gyda 3 digwyddiad ym mis Rhagfyr. Noson Canu Carolau yn Eglwys Aberaeron ar Rhagfyr 3ydd, Gŵyl y Goeden yn Eglwys Ystrad Aeron ar Rhagfyr 17eg a byddwn yn mynd o amgylch cartrefi gofal yr ardal ar nos Fercher, Rhagfyr 6ed.