gan
Annwen Evans
Ar brynhawn Sadwrn 7fed o Orffennaf cynhaliwyd Diwrnod Hwyl Llanllwni a drefnwyd ar y cyd rhwyng yr Ysgol, Cylch Meithrin a’r Clwb Ffermwyr Ifanc.
Cafodd y diwrnod ei gynnal yng Nghae Chwarae’r Pentref. Llywyddion y dydd oedd Mr a Mrs Emyr Evans, Cefncoed. Cyflwynodd Annwen Evans blat ar ran y CRA i’r llywyddion.
Cafwyd amser wrth eu boddau yn beirniadu’r gystadleuaeth gwisg ffansi.
Eleni, gwnaeth 4 cymeriad pwysig ymweld â’r plantos sef Skye a Chase o ‘Paw Patrol’, Sali Mali a Sam Tân. Roedd y plant wrth eu boddau yn gweld y cymeriadau ar y cae.
Roedd y diwrnod yn un llwyddiannus a hoffai Pwyllgor Cymdeithas Rhieni ac Athrawon yr Ysgol, Pwyllgor y Cylch Meithrin a’r Clwb Ffermwyr Ifanc ddiolch i bawb a gyfrannodd mewn unrhyw ffordd at lwyddiant y dydd.