Cynhaliwyd cystadleuaeth Siarad Cyhoeddus Cymraeg Ffederasiwn Ffermwyr Ifanc Sir Gaerfyrddin ar Ddydd Sadwrn, 25ain o Ionawr yn Ysgol Gynradd Nantgaredig. Cafwyd gwledd o gystadlu mewn pedair adran wahanol gyda nifer fawr o glybiau’r Sir yn cystadlu.
Diolch yn fawr iawn i Ysgol Gynradd Nantgaredig am adael i ni ddefnyddio’r Ysgol, diolch hefyd i’r stiwardiaid am sicrhau fod y diwrnod yn rhedeg yn llyfn. Rydym hefyd yn ddiolchgar iawn i’r holl hyfforddwyr am roi o’i hamser i hyfforddi’r aelodau. Diolch yn fawr iawn i’r holl feirniaid am eu gwaith gwych yn ystod y dydd.
Cwpan Arian i’r Tîm buddugol yn yr Adran Ddarllen: C.Ff.I Llangadog 1 – Lois Davies, Abner Price a Sion Jones.Cwpan Arian am yr Unigolyn Gorau yn yr Adran Ddarllen: Celyn Richards, C.Ff.I Penybont.Cwpan Teulu Pantyffynnon i’r Tîm Buddugol yn yr Adran Iau: C.Ff.I Llanfynydd – Carys Morgan, Gwenno Roberts a Sara Jones.Cwpan Teulu Ffosyffin am yr Unigolyn Gorau yn yr Adran Iau: Carys Morgan, C.Ff.I Llanfynydd.Cwpan Alun James Ysg. i’r Tîm Buddugol yn yr Adran Ganol: C.Ff.I Llanllwni A – Betsan Jones, Sioned Bowen a Sioned Howells.Tarian Mr. Emyr Williams am yr Unigolyn Gorau yn yr Adran Ganol: Betsan Jones, C.Ff.I Llanllwni.Cwpan y diweddar Henadur S.O Thomas i’r Tîm Buddugol yn yr Adran Hŷn: C.Ff.I Llanfynydd – Lowri Rees, Ffion Rees, Sara Roberts a Elin Childs.Cwpan Pat Davies i’r Unigolyn Gorau yn yr Adran Hŷn: Owain Davies, C.Ff.I Llanllwni.
Pob lwc i bawb fydd yn cynrychioli C.Ff.I Sir Gâr ar lefel Cymru ym Mis Mawrth!
