gan
Côr Merched Corisma
Sefydlwyd y Côr ym mhentre Cwmann, Llanbedr Pont Steffan gan Carys Lewis a Sian Roberts Jones yn 2006.
Ers hynny, mae’r Côr yn mynd o nerth i nerth ac wedi cyhoeddi CD ‘Cico Sodle’.
Wedi perfformio mewn neuaddau, capeli ac eglwysi yn lleol yn ogystal ag ar Radio Ceredigion, Radio Cymru ac ar raglen ‘Noson Lawen’ a ‘Dechrau Canu Dechrau Canmol’ ar S4C. O ganlyniad, maent wedi cynorthwyo mudiadau lleol i godi symiau syweddol iawn tuag at elusennau.
Daw’r aelodau o Gwmann a’r cyffiniau. Dyma griw llawen o ferched sydd wedi mynd heibio oedran cystadlu gyda’r Urdd a’r Ffermwyr Ieuainc.
Maent wrth eu bodd yn pinco a gwisgo lan i gael noson mas gyda’r nod o fwynhau cymdeithasu a chanu.
Cynhelir ymarferion yng Nghanolfan Gymunedol Cwmann bob yn ail nos Lun. Croeso i gantorion newydd ymuno a’r cwmni cartrefol. Mae hwyl yn y canu a llawer o dynnu coes yn perthyn i’r merched.