gan
alphaevans
Mae Neges Heddwch ac Ewyllys Da yr Urdd wedi ei hanfon ar ran pobl ifanc Cymru at bobl ifanc yng ngweddill y byd ar y 18fed o Fai yn flynyddol ers 1922.
Rhai o fyfyrwyr Prifysgol Abertwae sydd wedi bod yn llunio Neges Heddwch ac Ewyllys Da Urdd Gobaith Cymru eleni, gyda’r neges bwerus sydd wedi ei seilio ar y thema ‘Cydraddoldeb i Ferched’.
Yn wreiddiol, dyma oedd y neges oedd fod i’w chyhoeddi yn 2020, ond yna daeth y cyfnod clo a phenderfynwyd newid y Neges. Yna eleni, roedd yn addas yn yr hinsawdd bresennol i ail ymweld â phwnc sydd mor bwysig i sicrhau dyfodol llewyrchus a theg.
Rôl myfyrwyr Prifysgol Abertawe fel fi oedd cydweithio gydag Academi Hywel Teifi, y bardd a’r awdur Llio Maddocks a Gwennan Mair, Cyfarwyddwr Ymgysylltu Creadigol Theatr Clwyd er mwyn paratoi’r neges i’w chyhoeddi i’r byd.
Yn dilyn ysgrifennu’r Neges, sydd wedi ei chyfieithu i dros 65 o ieithoedd, buodd y myfyrwyr yn recordio’r Neges yn Abertawe ac yn y Bala.
Yn dilyn cyhoeddi’r Neges, bydd y myfyrwyr yn cynorthwyo gyda’i rhannu a’i lledaenu ar draws y cyfryngau a’r cyfryngau cymdeithasol.