gan
Pat Jones
Annwyl gyfaill,
Wrth ddathlu ei daucanmlwyddiant eleni, mae’r Brifysgol yn awyddus i gryfhau ei pherthynas â thref Llambed a’i thrigolion. Gyda hynny mewn golwg, hoffem eich gwahodd i rannu eich sylwadau â ni ynghylch sut y gallem gydweithio yn agosach er mwyn sicrhau ffyniant y dref yn yr hir-dymor.
Byddai diddordeb gennym wybod sut, yn eich barn chi, y gallai’r Brifysgol gefnogi’r dref ymhellach ac, yn yr un modd, sut y gall y dref gefnogi’r Brifysgol wrth iddi wynebu’r bennod nesaf yn ei hanes.
Gallwch anfon eich sylwadau atom drwy e-bost i’r cyfeiriad canlynol patricia.jones@uwtsd.ac.uk neu drwy drefnu sgwrs wyneb yn wyneb drwy ffonio 01267 676767.
Caiff eich ymatebion eu hystyried fel rhan o’r broses o lunio Cynllun Strategol newydd ar gyfer Campws Llambed.
Edrychwn ymlaen i dderbyn eich sylwadau maes o law.
Gyda diolch.
Yn gywir,
Gwilym Dyfri Jones
Profost y Campws