gan
Tracey Williams
Athrawon
Trefnwyr y noson
Cafwyd noson wych yng Nghlwb Rygbi Llanbed yn ddiweddar wrth i dros 70 o bobl ddod ynghyd ar gyfer aduniad Ysgol Uwchradd Llanbed.
Daeth cyn disgyblion a ddechreuodd yn yr Ysgol yn y flwyddyn 1979 ynghyd yn ogystal ag aelodau o staff y cyfnod.
Bu yna glebran, hel atgofion, canu a dawnsio gwefreiddiol wrth ail gwrdd â hen ffrindiau. Roedd hon yn wir yn noson i’w chofio.
Diolch enfawr i Donna Davies a chyfeillion y Clwb Rygbi am y bwyd amheuthun a’r croeso.
Diolch hefyd i’r trefnwyr am ddod â phawb at ei gilydd unwaith eto.
Mae yna sôn am aduniad arall pan fydd y criw yn dathlu’r garreg filltir o 60 oed – ymhen rhyw dair blynedd. Amdani !