![](https://360.scdn8.secure.raxcdn.com/ased/sites/9/2024/05/tempImageJXhURu-640x396.jpg?0)
Tybed a welsoch chi olau llachar gwyrdd a phinc yn yr awyr neithiwr?
Yr enw ar y golygfeydd hyn yw’r Aurora Borealis sydd yn gymharol gyffredin i weld ym mhegwn y gogledd ond llwyfan y sioe neithiwr oedd Cymru.
Beth sy’n achosi’r lliwiau llachar i ymddangos yn yr awyr?
Goleua’r awyr yn sgil gwyntoedd solar sydd gyda gronynnau wedi’u gwefru (charged particles) o’r haul yn gwrthdaro â nwyon yn yr atmosffer gan greu golygfeydd amryliw uwchben. Yn ôl gwyddonwyr, mae’r gronynnau yma wedi teithio dros 150 miliwn cilomedr yn y gofod i’r pegynau ar y ddaear.
![](https://clonc.360.cymru/ased/sites/9/2024/05/IMG_7676-308x146.jpg)
Ym mis Hydref llynedd, bues i ar daith i Wlad yr Iâ lle brofais ychydig o’r goleuadau gwyrdd yn ymddangos ger y lan yn Reykjavic. Roedd yr olygfa yn un bythgofiadwy ond, braf oedd gwylio’r sioe neithiwr adref.
A welsoch chi’r golygfeydd neithiwr? Beth am rannu eich lluniau ar y blog byw hwn?
Os na fuoch ddigon ffodus neithiwr, mae gobaith i weld yr Aurora heno eto gyda’r gweithgarwch geo-magnetig yn sylweddol uchel (tua 7.00KP am 22:00). Mae’r raddfa geo-magnetig yn amrywio o 0-9 gyda 9 yn cyfleu storm solar gryf iawn sy’n arwain at bosibilrwydd o weld goleuadau’r gogledd.
![](https://360.scdn8.secure.raxcdn.com/ased/sites/9/2024/05/IMG_0905-640x396.jpeg?0)
Stryd y bont, Llambed
tua 23:40
![65fc75e0-645d-4ffa-bd41-71429f4d179f](https://360.scdn8.secure.raxcdn.com/ased/sites/9/2024/05/65fc75e0-645d-4ffa-bd41-71429f4d179f-640x396.jpg?7)
![](https://360.scdn8.secure.raxcdn.com/ased/sites/9/2024/05/34e99cb7-df1f-44ec-8d5e-f880d109c6fe-308x411.jpg?3z)
Lleoliad : Penbryn, Llanbed
Toc cyn 1 yb 11.5.24.