Llinos Davies ac Eryl Jones yn cael eu hanrhydeddu yn y Genedlaethol

Cynhaliwyd Seremoni gan Gymdeithas Eisteddfodau Cymru yn yr Eisteddfod Genedlaethol ym Mhontypridd i anrhydeddu gwirfoddolwyr o eisteddfodau’r de ddoe.

Roedd dwy o ardal Clonc wedi’u henwebu gan bwyllgor Eisteddfod Abergorlech am flynyddoedd o wasanaeth.

Gwobrwywyd Llinos Davies o Lanybydder ac Eryl Jones o Lanbed.

Dywedodd Heulwen Francis, ysgrifennydd Eisteddfod Abergorlech,

“Mae Llinos ac Eryl yn aelodau gwerthfawr iawn ac yn cymryd rhan yn yr eisteddfod ers blynyddoedd mawr.  Nhw sy’n gyfrifol am benillion cyfarch y bardd bob blwyddyn.  Maen nhw mor dalentog ac yn barod i neud unrhyw beth ni’n gofyn iddyn nhw.”

Arweiniwyd y seremoni gan Angharad Mair a chyflwynwyd y tystysgrifau gan Bill Davies, Is Gadeirydd y Gymdeithas.