gan
Gary Jones
Aelodau’r dyfodol yn cael gwersi rasio beics gan ddau bencampwr enduro byd Alex Snow a Steve Holcombe ar fore dydd Sadwrn ym Mrongest.
Bois tîm DDBC a enillodd wobr tîm gorau Prydain mas yn yr Ariannin yn yr ISDE nos sadwrn yng nghinio’r clwb yng Ngwesty Glynhebog Llanbed.
Aled Evans, Cwmann cadeirydd y clwb gyda Alex Snow a Steve Holcombe pencampwyr enduro’r byd yng Ngwesty Glynhebog.
Cynhaliwyd cinio blynyddol Clwb Dirt Bike Dyfed yng Ngwesty Glynhebog, Llanbed nos Sadwrn ddiwethaf lle bu tipyn o ddathlu.
Tynnwyd llun bois tîm y clwb a enillodd wobr tîm gorau Prydain mas yn yr ISDE – Enduro Chwe Niwrnod Rhyngwladol yn yr Ariannin ar y noson. Enwau’r rhai balch yn y llun yw Rhys Evans, Neil Hawker, Simon Hewitt a Meirion Scourfield, rheolwr y tîm ac ysgrifennydd y clwb.
Yn ystod y noson cyflwynodd Aled Evans, Cwmann sef cadeirydd y clwb brintiau a dynnwyd gen i ohonyn nhw wedi eu fframio i Alex Snow a Steve Holcombe pencampwyr enduro’r byd.
Ar y bore Sadwrn hwnnw cafodd aelodau dyfodol y clwb wersi rasio beics gan y ddau bencampwr enduro byd Alex Snow a Steve Holcombe ar fferm Dolgoch ym Mrongest. Diolch i Matt Fordham am gael defnyddio’r lle.
Tipyn o benwythnos felly a phawb wedi cael profiadau bythgofiadwy.