gan
Terry Davies
Meirion Evans / Jonathan Jackson – Toyota Yaris Rally2
John Dalton
Ioan Lloyd
Y penwythnos nesaf bydd Meirion Evans o Harford yn cymryd rhan yn Rali JDS Machinery Ceredigion a leolir yn Aberystwyth.
Mae Meirion yn fab i Melvyn a Ann Evans, Derwen Garage, Harford. Fe fydd e yn cystadlu mewn Toyota GR Yaris, un o dri char fydd Melvyn Evans Motorsport yn rhedeg yn y gystadleuaeth. Hefyd mae Toyota GR Yaris i Chris Ingram a Volkswagen Polo R5 i Kevin Davies.
Mae’r rali eleni yn rhan o’r Bencampwriaeth Rali Ewrop a bydd cystadleuwyr yn dod mor bell â Seland Newydd, Gwlad Pwyl, Ffrainc, Gwlad Belg, Yr Eidal, Iwerddon, Yr Almaen, Y Deyrnas Unedig ac wrth gwrs o Gymru.
Bydd na lawer iawn o Gymru yn cystadlu ac yn eu plith bydd John Dalton, Talsarn; Wayne”tar” Jones, Llanybydder; Osian Pryce, Machynlleth; James Williams, Castell Newydd Emlyn; Ioan Lloyd, Llandysul a Jason Pritchard, Llanfair ym Muallt.
Cynhelir y rali dros dri niwrnod a bydd y cyfanswn o filltiroedd tua 144. Bydd y cymal cyntaf ar hyd strydoedd Aberyswyth nos Wener a bydd dau o’r cymalau yn ardal Brechfa ar ddydd Sadwrn ac o fewn tafliad carreg i’r prif noddwyr JDS Machinery, New Inn, Pencader.
Dymunwn pob lwc i bawb sydd yn cymryd rhan.