Nid fi yw hwn
Er mwyn gadael sylw, mae angen mewngofnodi neu ymuno â’r safle.
gan
Dylan Lewis
Cwmsychpant gan Linda Jenkins
Cerbydau ar stop ym Mhencarreg gan Amanda Davies
Cerbydau yn cael trafferth mynd tuag at Lanllwni o Lanfihangel ar Arth, gan Chloe Vince
Llanybydder gan Jo Show
Ffarmwr yn ei dractor yn clyrio’r ffordd i Lanwenog, gan Jessica Kendell
Daeth y cysair a’r eira yn drwch mewn ardaloedd bore ma gan achosi anrhefn i lawer.
Cafwyd adroddiadau am ddamweiniau ffordd niferus, a rhai o’r rhei’ny ar dro Cefnresgair Cwmann, yn Llanwnnen, Pencarreg a Llanllwni.
Roedd yr hewl o Bentop, Llanllwni i gyfeiriad Caerfyrddin ar gau yn llwyr oherwydd trwch yr eira ar y ffordd gyda cherbydau wedi eu dargyfeirio yn boenus o araf drwy Llanfihangel a Phencader.
Meddai un teithiwr a fu yn sownd mewn eira a rhew ar y ffordd heddiw,
“Roedd yn deimlad annifyr ofnadwy yn methu neud dim wrth fod yn sownd yn yr eira.”
Mae’r cwestiwn yn codi, a fu’r cynghorau yn graeanu’r ffyrdd? Oes digon o adnoddau gyda nhw’r dyddiau hyn i ymdopi â thywydd eithafol?
Bu Jessica Kendell yn sownd ar y ffordd i Lanwemog am bron i 4 awr gyda phlentyn 8 oed a 10 mis oed yn y car. Llwyddodd i symud wedi ffarmwr ddod yn ei dractor i glyrio’r holl eira!
Amharwyd ar y gwasanaeth bysus gan gynnwys bysus ysgol. Cyhoeddodd Meddygfa Pro Pedr y byddai eu gwasanaethau heddiw wedi eu cyfyngu oherwydd staffio.
Yn sgil y tywydd garw, mae ambell ddigwyddiad ac ymarferion wedi eu canslo prynhawn ma a heno.