Cystadlu da yn y 25ain Ffair Ram

Cynhaliwyd y 25ain Ffair Ram ar gae pentref Cwmann ar y 12fed Medi. Cafwyd diwrnod teg o ran tywydd a chefnogaeth dda yn ystod y dydd.

Testun balchder eleni oedd cael dathlu chwarter canrif o gynnal y sioe bentref.  Talodd Eirios Jones, Cadeirydd Ffair Ram deyrnged i’r gwirfoddolwyr dros y blynyddoedd.  Cafwyd arddangosfa o bosteri ac adroddiadau papur newydd yn y ganolfan hefyd.

Cafwyd gweithgareddau llwyddiannus yn ystod y dydd o dan lywyddiaeth Mr a Mrs Dafydd a Delyth Jones, Ffosyffin. Cafwyd araith bwrpasol gan Meleri’r ferch ar eu rhan.

Cafwyd cystadlu brwd ym mhob cystadleuaeth yn yr adrannau isod ac arddangosfa arbennig o dda o hen beiriannau.

Gwerthwyd y cynnyrch ar ddiwedd y dydd gan Ann Davies a chodwyd swm sylweddol tuag at Nyrsys Macmillan.

Dyma enillwyr y Gwobrau:

Adran Fferm – Gareth Russell, Llysiau a Ffrwythau – Stan Evans, Blodau – Muriel McMillan, Coginio – Pat Jones, Cyffeithiau / Gwinoedd – Helen Roberts,

Ysgol Feithrin – Eli Griffiths, Dosbarth Derbyn – Deina Evans, Blwyddyn 1 a 2 – Ellie Gregson, Blwyddyn 3 a 4 – Casi Gregson, Blwyddyn 5 a 6 – Gwenllian Llwyd, Ysgol Uwchradd – Shannon Jones,

Arlunwaith a Ffotos – Helen Davies, Crefftau Cefn Gwlad – Alun Jones, Gwaith Llaw – Eirlys Jones,

Adran y Defaid – Felindre,

Cwpan Sialens Felindre Uchaf – Stan Evans, Cwpan Sialens Felindre Isaf – Hendai, Cwpan Sialens Wyn a Mary – Carwyn Lewis, Cwpan Sialens Eric Harries – Tomos Jones, Cwpan Sialens Teulu Hendai – Carwyn Lewis, Cwpan Sialens Dalgety – Carwyn Lewis, Cwpan Sialens Bronwydd – Helen Roberts.

Hoffai’r swyddogion ddiolch i bawb a fu’n helpu ac am bob cefnogaeth.

Gellir gweld mwy o luniau ar wefan Ffair Ram.