gan
Dylan Lewis
Cynhelir Gwasanaeth Dydd Gwener y Groglith Llanbed ar Zoom eleni, hynny yw’r 2il Ebrill am 10.30 y bore.
Dywed Linda Burgess y trefnydd “Roeddem wedi gobeithio cynnal Gwasanaeth Gyrru i Mewn arall “Ceir o gwmpas y Groes” i ddod â Chymuned Llanbed at ei gilydd adeg y Pasg. Ond oherwydd y lefel bresennol o gyfyngiadau, nid oedd yn bosibl.”
Fel dewis arall diogel ac ymarferol cynhelir Gwasanaeth Dydd Gwener y Groglith ar Zoom. Bydd cynrychiolwyr o Eglwysi lleol yn cymryd rhan yn y Gwasanaeth Dwyieithog awr o hyd a bydd siaradwr gwadd sef y Parchedig Stuart Bell yn ymuno unwaith eto.
Mae croeso i bawb, y cyfan sydd ei angen arnoch yw’r ID 340 264 5801. Nid oes angen cyfrinair.
Ychwanega Linda “Mae ZOOM yn offeryn mor werthfawr ac mae’n ein cysylltu â ffrindiau ledled y byd felly rydyn ni’n edrych ymlaen at wahodd sbectrwm eang o bobl i Lanbed ar gyfer ein Dathliad Pasg.”