gan
Dinah Jones
Daeth aelodau YesLlambed o’r dre a thu hwnt i glywed Dinah Mulholland yn son am agweddau ar annibyniaeth oddi fewn i’r Blaid Lafur yng Nghymru. Roedd gan y criw yno nifer o gwestiynau yn dilyn yr anerchiad ddifyr gan Dinah a chafwyd trafodaeth fywiog.
Be’ nesa’?
Bydd y cyfarfod nesaf nos Fawrth, y 15ed o Fawrth am 6.30 yn y Clwb Rygbi – manylion i’w cadarnhau. Cyn hynny, bydd aelodau’n cymryd rhan ym Mharêd Gwyl Ddewi Llambed ddydd Sadwrn, Mawrth y 5ed.
Mae’n dal yn ddyddiau cynnar i’r grŵp yn Llambed. Mae’r criw yn un hwyliog sy’n frwd i estyn croeso cynnes i unrhywun sydd â diddordeb yn nyfodol Cymru ac sydd am wybod rhagor am sut fath o wlad allai Cymru annibynnol fod.
Beth yw YesCymru?
Mae YesCymru yn ymgyrchu dros annibyniaeth i Gymru er mwyn gwella’r ffordd mae’r wlad yn cael ei rhedeg.
Os hoffech wybod rhagor, dyma fanylion cyswllt y grŵp:
Ebost: llambed@yes.cymru
Trydar: @YesLlambed
Facebook: https://www.facebook.com/Yes-Llambed-251835386741959