gan
Dylan Lewis
Gorwedd ar y soffa yn gwylio TikTok yw ffordd Cari Gof o ymlacio, ond sgipio a mynd i gerdded yw ei ffordd hi o gadw’n heini.
Ar dudalen “Cadwyn y Cyfrinachau” rhifyn Hydref Papur Bro Clonc mae Cari o Gwmann yn ymateb i nifer o gwestiynau dwys a doniol.
Dyma flas i chi o’r hyn a gyhoeddwyd:
Beth yw dy arbenigedd?
Siarad yn gyflym.
Beth yw’r siopau annibynnol lleol wyt ti’n ymweld â nhw fwyaf aml?
Pwythau Helena Gregson i fyrhau pob dilledyn, Mark Lane am banini lysh a chippy Lloyds yn aml.
Beth wyt ti’n ei wneud yn dy amser hamdden?
Siopa ar-lein, mas i gerdded a hala amser gydag Osian a Mia.
Oes yn rywbeth na elli di ei wneud y byddet ti’n hoffi ei gyflawni’n dda?
Cwcan cacs fel Mamgu.
Pwy oedd y dylanwad mwyaf arnat ti?
Dad, Mam a fy chwiorydd.
Gallwch ddarllen rhagor o ymatebion Cari yn y rhifyn cyfredol o Bapur Bro Clonc sydd ar werth yn y siopau lleol ac ar gael fel tanysgrifiad ar y we.