gan
Ruth Wallbank-Pilcher
Heddiw ar Ddydd Gŵyl Dewi, mi fydd siop Llanfair Clydogau yn dechrau casglu nwyddau angenrheidiol ar gyfer bobl yr Wcrain, i helpu Wales4Ukraine i gasglu cymaint ag sy’n bosibl.
Mae angen cynhyrchion hylendid (i fenywod a dynion), blancedi, dillad, a nwyddau addysgol fel papur, deunydd ysgrifennu a.y.y.b. Os ydych chi ar fin clirio’r tŷ, neu os oes gennych chi nwyddau yn sbâr, plîs ystyriwch eu rhoddi!
Yn ogystal â hyn, byddwn ni’n gwerthu cacennau er mwyn codi arian i’r Groes Goch a’u ymdrechion gyda’r ffoaduriaid, a Phoenix Wings, NGO sydd yn darparu nwyddau angenrheidiol (fel helmedau, festiau, a chitiau meddygol) i’r bobl gyffredin sydd yn gorfod ymladd ac amddiffyn eu gwlad.
Bydd pice ar y maen, bara brith, bisgedi, cacennau bach, a mwy! Os ydych chi yn yr ardal, plîs dewch draw.