gan
Eleri Morgan
Mae Tîm Troseddau Gwledig Heddlu Dyfed Powys yn apelio am wybodaeth er mwyn adnabod dau gi sy’n ymosod ar dda byw yn ardal Penffordd a Brynteg ym Mhlwyf Llanwenog.
Os y gallwch chi adnabod y cŵn hyn a’u perchnogion, cysylltwch â Thîm Troseddau Gwledig Heddlu Dyfed Powys: eleri.morgan@dyfed-powys.police.uk
Mae’r heddlu wedi derbyn sawl galwad am droseddau fel hyn ac am bryder ynglyn â da byw, sy’n amrywio o ran amser rhwng 1 a 5 o’r gloch y bore. Mae’r cŵn hyn yn ymosod ar dda byw yn yr oriau mân. Recordiwyd y fideo hwn am 1 o’r gloch y bore.