Bwnis Pasg yn dod â gwên i wynebau plant yr ardal heddiw

Golygfa hyfryd oedd gweld dau gymeriad cwningen y Pasg ar strydoedd Llanbed heddiw.

Laura Hunter o gwmni Magical Moments oedd yn gyfrifol am drefnu hyn a dywedodd:

“Rydyn ni newydd gyrraedd adref nawr. Diwrnod mor hyfryd a braf gweld y gwenau ar wynebau pawb.”

Ychwanegodd Laura “Penderfynais wneud hyn i ledaenu hwyl y Pasg a gwneud Llanbed yn lle hudolus ar Sul y Pasg eleni.  Rhoddwyd 65 o wyau allan. Cychwynnom yng Nghwmann a gorffen yn Llanwnnen.”

Magical Moments yw busnes Laura ac ethos y busnes yw gwneud pob eiliad o ben-blwydd, Nadolig neu Basg plentyn ychydig yn fwy hudolus.

Roedd ymweliad gan y bwnis yn costio £15 ond os oedd unrhyw deulu’n methu fforddio hynny, neu os oedd unrhyw un yn gwybod am blant oedd yn haeddu ymweliad ganddynt byddai Laura wedi dod i drefniant er mwyn gwireddu rhywbeth.