Dal fy mrawd Rhun dros banister y stâr a bygwth gollwng fynd

Mae Cara Elli Jones yn hyfforddi i fod yn Nyrs Milfeddygol ac mae’n dwlu ar gŵn defaid.  Mae Gwil y ci yn rhan o’r teulu ganddi.

Dyma flas i chi o’u hymatebion i gwestiynau ‘Cadwyn y Cyfrinachau’ yn rhifyn Rhagfyr Papur Bro Clonc.

Unrhyw hoff atgof plentyndod.
Mynd gyda tadcu am ‘sbin’ yn y fan a byth yn gwbod ble bydden ni’n beni achos bod e’n gofyn ar bob junction “chwith neu dde Cara?”

Beth oedd y peth ofnadwy wnest ti i gael row gan rywun?
Cael row gyda mam am ddal fy mrawd Rhun dros banister y stár a bygwth gollwng fynd.

Sut mae’r Coronafeirws wedi effeithio dy fywyd di?
Gorfod gwneud lefel A gartref a ffaelu dysgu dreifo nes bron yn 18.

Beth oedd y celwydd diwethaf i ti ddweud?
Dweud wrth dad wna i olchi’r llestri pan roedd e yn hyfforddi rygbi.

Pa dri pheth yr hoffet ti wneud cyn dy fod yn ddeugain?
Gallu cneifo o leiaf 50 o ddefaid mewn diwrnod, paso i fod yn nyrs milfeddygol, prynu tŷ.

Unrhyw arferion gwael?
Gwneud cwlwm yn fy ngwallt.

Unrhyw dalentau cudd?
Troi fy nhroed rownd i wynebu go chwith.

Beth am brynu copi cyfredol Clonc er mwyn darllen rhagor amdani?  Dyma restr o’r siopau lleol sy’n gwerthu Clonc, neu tanysgrifiwch i gael copïau ar-lein.