gan
Dylan Lewis
Bydd siopa Nadolig yng Ngheredigion yn cael hwb eto eleni gyda pharcio am ddim drwy’r dydd ar dri dydd Sadwrn yn ystod y cyfnod cyn y Nadolig.
Y llefydd parcio am ddim yng nghanol tref Llanbed fydd Y Cwmins, Y Rookery a Stryd y Farchnad ger Sainsbury’s, Llaeth Gwarffynnon a Llyfrgell y Dref. Bydd yr un peth yn digwydd ym meysydd parcio’r cyngor yn Aeraeron, Aberteifi, Aberystwyth, Cei Newydd, Llandysul a Thregaron.
Ni fydd yna gostau parcio yn y meysydd parcio Talu ac Arddangos hyn a weithredir gan y Cyngor ar y 09, 16, 23 Rhagfyr eleni er mwyn galluogi siopwyr ac ymwelwyr dros gyfnod y Nadolig i gefnogi busnesau lleol y sir ar adeg hanfodol i fusnesau.
Dywedodd y Cynghorydd Keith Henson, Aelod Cabinet ar faterion Priffyrdd a Gwasanaethau Amgylcheddol:
“Rydym yn falch iawn ein bod yn gallu agor ein meysydd parcio am ddim i helpu i gefnogi busnesau lleol, boed hynny’n siopau, caffis, tafarndai a bwytai yn ystod y cyfnod cyn y Nadolig. Mae ein busnesau lleol yn creu profiad siopa Nadoligaidd gwych yn ein trefi ac felly byddem yn annog pawb i wneud y gorau o’r parcio am ddim a siopa’n lleol dros gyfnod yr ŵyl.”