gan
Gwyneth Davies
Wrth deithio drwy Lanybydder, mae’n siŵr eich bod wedi gweld arwydd tu fas gwesty’r Cross Hands yn hysbysebu te a chacennau. Nos Sadwrn diwetha cafwyd agoriad swyddogol y gwesty a braf oedd gweld cymaint wedi dod ynghyd i gefnogi.
Prynhawn ddoe felly, penderfynais alw mewn am baned a chlonc yn y ‘Cwtsh Clyd’. Roedd Nicola a Nadine y rheolwyr yn groesawgar iawn a’r danteithion oedd ganddynt ar ein cyfer yn flasus tu hwnt.
Roedd y lle yn llawn a chyfle da felly i gael sgwrs a rhoi’r byd yn ei le. Mae Nicola a Nadine yn darparu cacennau fegan a rhai heb glwten yn ogystal. Felly mae yna rywbeth at ddant pawb.
Mae’r ‘Cwtsh Clyd’ ar agor o ddydd Llun tan ddydd Gwener a’r dafarn o nos Iau tan nos Sul. Dewch am dro felly i westy’r Cross Hands. Cefnogwch fusnesau lleol.
Pe hoffai rhywun arall ysgrifennu am gaffi, tafarn neu le bwyta fel rhan o gyfres #Bolangefen ar wefan Clonc360, mae croeso i chi wneud. Yn ogystal â hynny, pe hoffai perchnogion llefydd bwyta wahodd gohebwyr Clonc360 draw am bryd o fwyd gellir trefnu bod adolygiad yn ymddangos ar y wefan. Cysylltwch drwy ebost.