Arddangosfeydd ffenestri trawiadol The Snail of Happiness

Daeth y datganiad canlynol i law gan Jon a Jan o siop The Snail of Happiness:

Mae The Snail of Happiness yn Stryd y Coleg, Llanbed yn dod yn adnabyddus am ei harddangosfeydd ffenestri trawiadol. Ar ôl ennill cystadleuaeth Deyrnas Unedig gyfan yn gynharach eleni am eu harddangosfa ffenestri “Great British Yarn Crawl”, a oedd yn cynnwys gwlân Prydeinig, mae’r siop unwaith eto yn dathlu llawenydd edafedd, y tro hwn gyda riff cwrel wedi’i grosio.

Wedi’i wneud yn gyfan gwbl o edafedd sgrap, a chyda chyfraniadau gan ffrindiau a chwsmeriaid, mae’r arddangosfa yn wledd o liwiau a ffurfiau. Mae’n cynnwys berdys yr holl ffordd o Ganada, pysgod yr anemoni, sêr môr, octopws a phob math o greaduriaid eraill.

Meddai Jan, cydberchennog y siop,

“Gwnaethom yr arddangosfa hon i ddangos yr hyn y gallwch chi ei wneud gydag edafedd gwastraff heb eu caru.”

Ychwanegodd Jan

“Yn amlwg, rydyn ni wedi llwyddo – dydw i ddim yn meddwl fy mod i erioed wedi gweld cymaint o bobl yn tynnu lluniau o’r ffenestr.”

Yn ogystal â llenwi ffenestr y siop â lliw, mae’r ddau folard pren y tu allan bob amser wedi’u haddurno â gwau neu grosio pan fydd y siop ar agor, ac i barhau â’r thema forol, maent ar hyn o bryd yn gwisgo siarc ac orca. Mae’r gorchuddion bolard eraill i lawr Stryd y Coleg hefyd wedi’u gwneud gan The Snail of Happiness.