gan
Ffion Caryl Evans
Am ddiwrnod ym mart Llanybydder!!
Roedd bron i 500 o wartheg yma a’r safon yn anhygoel o’r dechrau i’r diwedd, a phawb â gwên ar eu hwynebau.
Y pris uchaf am eidon oedd £2,250 sef record newydd yn Llanybydder o eiddo Davies, Llwynhenwas oedd â 31 o wartheg yma gyda phris cyfartalog o £1,940. Y pris uchaf am aner oedd £1,990 o eiddo Bellamy, Hendy. Y pris uchaf am fuwch oedd £1,560 o eiddo Lewis, Gwarcoed Einon. Y pris uchaf am fuwch a llo oedd £2,080 o eiddo Davies Bros, Waunllannau Isaf.
Prisiau cyfartalog ardderchog:
Eidonau – £1,520
Aneirod – £1,350
Bydd yr arwerthiant nesaf ar y 14eg o Fedi.
Hoffai Evans Bros ddiolch i’r holl brynwyr a gwerthwyr ffyddlon yn ogystal â staff y farchnad am sicrhau diwrnod llwyddiannus yn y farchnad. Rydym yn gwerthfawrogi eich cefnogaeth yn fawr.