gan
Ifan Meredith
Yr hofrennydd ar gae Coedparc. Llun gan Iwan Uridge.
Cyhoeddodd Heddlu Dyfed Powys toc ar ôl 4:25yp fod heol yr A485 rhwng Llanbed a Llangybi ynghau yn dilyn damwain.
Mae’r ddamwain wedi digwydd ger fferm Coed-Parc ar heol yr A485.
“Osgowch yr ardal”
Dywed Heddlu Dyfed Powys wrth deithwyr i osgoi’r ardal a defnyddio ffyrdd eraill i deithio.
Esboniodd Ysgol Bro Pedr y byddai bws YL03 yn methu cyrraedd y lleoliadau ac felly yn gofyn i rieni “gasglu’r plant o’r ysgol”.
Roedd Ambiwlans Awyr Cymru yn bresennol a beic modur a cherbyd pick-up yn rhan o’r ddamwain a ddigwyddodd tua 3 o’r gloch. Mae’n debygol y bydd y ffordd ar gau am rai oriau.