![IMG_9960-1](https://360.scdn8.secure.raxcdn.com/ased/sites/9/2024/05/IMG_9960-1-640x396.jpeg?128)
Aelodau’r tîm drefnodd yr Ŵyl Flodau ger y bedyddfaen hardd
![IMG_9946-1](https://360.scdn8.secure.raxcdn.com/ased/sites/9/2024/05/IMG_9946-1-142x88.jpeg?ef)
Yr arddangosfeydd blodau yn harddu Eglwys y Santes Fair
![IMG_9930-1](https://360.scdn8.secure.raxcdn.com/ased/sites/9/2024/05/IMG_9930-1-142x88.jpeg?fj)
Yr Allor wedi ei haddurno yn hardd gyda blodau
![IMG_9952-1](https://360.scdn8.secure.raxcdn.com/ased/sites/9/2024/05/IMG_9952-1-142x88.jpeg?gs)
Tusw o flodau yn addurno ochr un o gorau’r eglwys
![IMG_9941-2](https://360.scdn8.secure.raxcdn.com/ased/sites/9/2024/05/IMG_9941-2-142x88.jpeg?hf)
Ffenestr y byd amaeth gyda’r ffon fugail a’r gwlân
![IMG_9938-1](https://360.scdn8.secure.raxcdn.com/ased/sites/9/2024/05/IMG_9938-1-142x88.jpeg?iw)
Ffenestr yn cofnodi’r diwydiant cynhyrchu menyn
![IMG_9936](https://360.scdn8.secure.raxcdn.com/ased/sites/9/2024/05/IMG_9936-142x88.jpeg?jw)
Ffenestr yn cofnodi crefft y crydd gyda’r morthwyl a’r einion
![IMG_9933-1](https://360.scdn8.secure.raxcdn.com/ased/sites/9/2024/05/IMG_9933-1-142x88.jpeg?lw)
Ffenestr y gegin gyda chyfrol Mrs Beetons, y llwyau pren a’r rholbren
![IMG_9955-1](https://360.scdn8.secure.raxcdn.com/ased/sites/9/2024/05/IMG_9955-1-142x88.jpeg?m7)
Y trefniant blodau yn y cyntedd yn croesawu ymwelwyr i’r Santes Fair
![IMG_9976-1](https://360.scdn8.secure.raxcdn.com/ased/sites/9/2024/05/IMG_9976-1-142x88.jpeg?mt)
Eglwys y Santes Fair, Maestir, Llanbed
Cynhelir Gŵyl Flodau arbennig iawn yn yr eglwys hynafol o ddydd Gwener 17eg hyd dydd Sul 19eg Mai. Ymwelsom brynhawn Gwener a chawsom groeso hyfryd gan y Parchedigion Melanie Prince a Victoria Hackett ac aelodau Eglwysi Plwyf Llanbed sef Helen, Beryl, Debbie a Douglas. Y mae gwledd o liwiau hardd ac arogl hyfryd yn llenwi’r eglwys a’r bedyddfaen yn fôr o liwiau, yn goch tywyll, oren, pinc, gwyrdd a gwyn. Ceir tuswau o flodau yn addurno canllawiau’r corau hefyd, pob un ychydig yn wahanol ac yn cyfrannu at y darlun lliwgar.
Cofiwch sylwi ar yr addurniadau blodau sy’n harddu’r ffenestri. Mae pob un yn dilyn thema gwahanol. Sylwais ar un ffenestr yn cofio’r diwydiant cynhyrchu menyn; ffenestr arall yn tynnu sylw at fyd amaeth gyda ffon fugail a gwlân ynghanol y trefniant blodau. Sylwais mai’r gegin yw thema ffenestr arall gyda chyfrol ‘Mrs Beetons Book of Household Management’, llwyau pren a’r rholbren yn cael sylw. Byd y crydd yw thema ffenestr arall a’r morthwyl a’r einion â rhan amlwg yn yr arddangosfa. Y mae ardal yr Allor yn drawiadol a’r lliwiau yn cyfateb i’r gwydr glas a choch y ffenstri yno.
Mae Eglwys y Santes Fair tua 2 filltir o Lanbed ar hyd Ffordd Maestir. Cymerwch y cyfle i’w gweld – mae’r rhoddion ariannol yn mynd tuag at gynnal Eglwys y Santes Fair, Maestir.