Siop Flodau ac Oriel Cadi a Grace

---

Ydych chi’n gwybod bod oriel gelf yn llofft siop Cadi & Grace yn Stryd Fawr, Llanbed?

Dywedodd Gabriel Davies,

“Pan nes i symud Siop Cadi a Grace i 2 Stryd Fawr, Llanbed roeddwn yn gallu gweld y posibilrwydd o nid yn unig cael siop gwerthu blodau ffres, blodau sych a photiau prydferth a diddorol ond gallu gwneud defnydd hefyd o’r mezzanine hyfryd sydd yn yr adeilad yma. Dyma le y gallem gael oriel gelf- rhywbeth hyfryd i agor yn nhre Llanbed.

Erbyn hyn rydym wedi agor yr oriel gyda’r arddangosfa gyntaf yn dangos gwaith arlunydd lleol – Aerwen Griffiths. Gobeithio yn y dyfodol agos y bydd cyrsiau trefnu blodau ynglwm ac arlunio yn cael eu cynnal yma. Croeso cynnes i bawb i alw mewn.”