Peilonau Dyffryn Teifi : ‘Anodd dychmygu sut i reoli’r fferm’

Mae cynllun i adeiladu fferm wynt gyda 40 tyrbin ar safle ‘Lan Fawr’ ger Llanddewi Brefi a defnyddio peilonau i gludo’r ynni wedi arwain at bryderon yn yr ardal.

Mae cwmni Bute Energy dan faner ‘Green Gen Cymru’ eisiau adeiladu fferm wynt a defnyddio peilonau i gludo’r ynni. Mae’r cynllun hwn yn rhan o rwydwaith o gynlluniau ar draws Cymru er mwyn ymateb i newid hinsawdd a’r angen i leihau allyriadau carbon y wlad.