Protest yn y Senedd yn erbyn cynlluniau i adleoli cyrsiau o gampws Llanbed

Ar fore Mawrth, yr 21ain o Ionawr, bu dros 80 o brotestwyr yn protestio o flaen y Senedd yn galw ar Lywodraeth Cymru i weithredu ynghylch cynlluniau Prifysgol Cymru y Drindod Dewi Sant (PCYDDS) i adleoli cyrsiau o’u campws yn Llanbed i Gaerfyrddin.

Ymunodd gwleidyddion fel Elin Jones, Cefin Campbell, Jane Dodds, Adam Price a Janet Finch â’r protestwyr yn ystod y bore.

Llywodraeth Cymru yn “cydnabod” heriau ariannol prifysgolion.

Medd llefarydd ar ran Llywodraeth Cymru eu bod nhw’n “cydnabod bod prifysgolion Cymru dan bwysau ariannol sylweddol”

“Mae Medr yn parhau i fonitro sefyllfa ariannol ein prifysgolion yn agos, ac mae’r Gweinidog Addysg Bellach ac Uwch yn cyfarfod â Medr ac arweinwyr prifysgolion yn rheolaidd.”