gan
Ffion Caryl Evans
Gwerthwyd dros 400 o dda stôr ym Mart Llanybydder ddydd Sadwrn gyda trêd da o’r dechrau i’r diwedd.
Gwerthodd yr eidon gorau am £1720 o eiddo Evans, Tandderi a’r aner orau am £1500 o eiddo Evans Bros, Penbryn. Y pris gorau am fuwch oedd £1340 o eiddo Rees, Cenfgwyddil a gwerthwyd y tarw gorau am £1410 o eiddo Morgans, Blaengorlech.
Bydd y farchnad nesaf o dda stôr ar yr 10fed o Orffennaf felly cofiwch gofrestru yn gynnar os oes stoc gyda chi i’w gwerthu.
Hoffai Evans Bros ddiolch i bawb boed yn brynwyr neu yn werthwyr am eu cefnogaeth cyson i’r farchnad.