Dydd Iau o Faes yr Eisteddfod

Ar ôl cloi Maes B nithwr (neu bore ’ma), cloi Gig y Pafiliwn wnaeth Gwilym heddiw.
Cyn Gwilym, bu Alffa, Adwaith a Mellt yn diddanu Pafiliwn oedd bron yn llawn.

Disgyblion Ysgol Bro Pedr ymhlith Côr Bl. 7, 8 a 9 Ysgolion Ceredigion yn canu yn Seremoni’r Fedal Ddrama y prynhawn ma.

Disgyblion Bro Pedr wedi bod yn cymryd rhan yng Nghôr Ysgolion Ceredigion. 

Côr Bl. 7, 8 a 9 Ysgolion Ceredigion yn canu yn y Seremoni. 

Dy Fam, neu Gruffydd Siôn Ywain o Lundain yw enillydd y Fedal Ddrama yn Eisteddfod Genedlaethol Ceredigion 2022. Roedd gan y gystadlaeuaeth ‘ystod o botential’ wedi annogaeth gan y beirniaid i’r 15 ag ymgeisiodd i gario ymlaen i ysgrifennu.

Gruffydd Siôn Ywain o Lundain yw enillydd y Fedal Ddrama. 

Seremoni y Fedal Ddrama. 

I rhai hynny sydd yn sefyll yn y Maes Carafanau’r Eisteddfod rydych siwr o fod wedi bod yn y Siop sydd yn cael ei redeg gan Llyr Thomas, Siop Premier, Llambed ac hefyd braf gweld cwmni lleol Llaeth Llanfair yno hefyd. 

‘Y Byd yn ei Le’ nôl ar S4C ddiwedd Medi gyda Catrin Hâf Jones a Richard Wyn Jones yn cyflwyno, NID Guto Harri. Daw gyn ar ôl sgwrs ddifyr iawn am ddyfodol Newyddiaduraeth Gymraeg gyda Gwenfair Griffith yn cadeirio a’r panel, Geraint Evans o S4C, Delyth Isaac o’r BBC a Branwen Thomas o ITV Cymru.

Canlyniad Côr Dysgwyr gyda rhwng 13 a 40 mewn nifer:

1. Côr Dysgwyr Ceredigion

2. Côr DAW

3. Côr Dysgu Cymraeg Sir Benfro

4. Côr Cyd Aberystwyth