Llwyddiant yn parhau ym Moduan

Yn dilyn canlyniadau‘r penwythnos, mae’r llwyddiant i bobl ardal Llambed yn parhau yn niwrnodau 3 a 4 yn Eisteddfod Genedlaethol Cymru yn Llŷn ac Eifionydd. Gyda’r haul yn gwenu yno dros y dyddiau diwethaf hefyd. Llongyfarchiadau mawr i’r canlynol ar eu llwyddiant:

Dydd Llun:

• Deuawd Cerdd Dant o dan 21 oed – Ela Mablen Griffiths-Jones, Cwrtnewydd ac Olivia Davies, Aberaeron – 2il
• Y Rhuban Glas Ieuenctid: Gwobr Goffa Gwyneth Morus Jones: Llefaru Unigol 16 ac o dan 21 oed – Sara Elan Jones, Cwmann 1af.
• Dawns greadigol / gyfoes i grŵp dros 4 mewn nifer – Ysgol Ddawns Sally Saunders, Llambed 2il
• Cystadleuaeth gyfeilio – Alwena Mair Owen, Llanllwni 3ydd

Dydd Mawrth:

• Dawns Greadigol / Gyfoes Unigol – Amy Morgan, Llambed 1af
• Unawd telyn – Alwena Mair Owen, Llanllwni 1af

Llongyfarchiadau i Miss Meleri Morgan, athrawes yn Ysgol Bro Pedr ar ennill cystadleuaeth Llefaru Unigol o’r Ysgrythur 16 oed a throsodd ddydd Sul.