Trinwyr Ifanc Cwmhendryd yn llwyddo yn Llanelwedd

Cafodd brodyr bach Cwmhendryd, Llanbed tipyn o lwyddiant yn y Sioe Fawr yn Llanelwedd yr wythnos ddiwethaf.

Morys – 1af fel Triniwr Ifanc y Blue Texel ar ddydd Mawrth.

Tomi – 6ed fel Triniwr Ifanc y Blue Texel hefyd.

Ianto – 4ydd yn y gystadleuaeth ar ddydd Mercher.

Tipyn o gamp yn wir.  Y bechgyn yn ymfalchïo yng nghrefft eu rhieni a dechrau arddangos yn ifanc iawn. Roedd dosbarthiadau mawr yn adran y trinwyr ifanc lle roedd tua 30 ym mhob dosbarth a hynny ar safon cystadleuaeth Sioe Frenhinol Cymru.

Dywedodd Elin Hughes, mam y bechgyn, “Wythnos yn llawn sport a joio yng nghwmni teulu a ffrindiau a braf gweld y bois yn cael llwyddiant yng nghystadleuaeth trinwyr ifanc.  Edrych ymlaen yn fawr iawn nawr at Sioe y Cardis 2024.”