gan
Ifan Meredith
Mae cynllun ‘Hapus i siarad’ yn gynllun ar y cyd rhwng Is-bwyllgor yr Iaith Gymraeg Cyngor Tref Llanbed a Menter Iaith Ceredigion, Cered. Mae posteri ar ffenestri dros 30 o fusnesau Llanbed yn dangos i ddysgwyr Cymraeg bod gweithwyr y busnesau yn siarad Cymraeg.
“cynllun cyffrous iawn”
Yn ôl Cered, mae’r cynllun hwn yn rhoi cyfle i ddysgwyr “ddarganfod cyfleoedd gallwch chi ymarfer siarad Cymraeg”.
Mae’r cynllun hwn yn rhoi cyfle i ddysgwyr gynnal sgyrsiau yn y Gymraeg. Bydd y cynllun yn gweithio ar system gardiau teilyngdod lle bydd yn rhaid i ddysgwyr gael sgwrs yn y Gymraeg dair gwaith er mwyn cael cyfle i ennill gwobr.
“agor ein llygaid at faint mor gryf yw’r Gymraeg”
Wrth gyflwyno’r cynllun, medd Maer y Dref, Rhys Bebb Jones gall y cynllun “weithio yn unrhyw ran o Gymru”.
“helpu siaradwyr i gyd, nid yn unig dysgwyr, i wybod le i ddefnyddio’r Gymraeg”
Yn y lansiad, roedd y Clwb Bowlio yn llawn siaradwyr Cymraeg a dysgwyr ac medd rhai o’r siaradwyr ei fod yn gynllun fydd yn “annog ac yn hyrwyddo defnydd y Gymraeg yn Llanbed ac yng Ngheredigion”.