gan
Lowri Jones
Mewn blwyddyn lle mae golygon cymaint ohonom wedi troi at ein milltir sgwâr, rydym wedi gweld cynnydd anhygoel yn y defnydd o’r gwefannau bro. Mae’r 7 gwasanaeth lleol-iawn wedi bod yn ffynhonnell amhrisiadwy o straeon, gwybodaeth a difyrrwch i gymaint o bobol eleni. Maent hefyd wedi bod yn gofnod o sut fu bywyd pobol a’n cymunedau yn ystod un o’r blynyddoedd mwyaf rhyfedd mewn cof.
Er gwaetha’r Covid – y canslo a’r diffyg dod ynghyd arferol – cyhoeddwyd dros 1230 o straeon bro yn 2020, ac erbyn hyn mae dros 430 o bobol leol wedi cyhoeddi stori ar eu platfform lleol.
I ddathlu hynny, bydd Bro360 yn cynnal seremoni wobrwyo ym mis Ionawr, lle byddwn yn cyhoeddi eich hoff straeon chi ar bob gwefan fro!
Rhestr fer Clonc360
Dyma’r 6 stori fwyaf poblogaidd (yn ôl yr ystadegau) ar Clonc360 eleni. Porwch trwyddynt, a phleidleisiwch trwy bwyso’r botwm ’diolch’ ar waelod eich hoff stori.
- Anrhydeddu pencampwraig y peli, gog gweithgar a chloncen brysur – Dylan Lewis
Anrhydeddu Pencampwraig y Peli, Gog Gweithgar a Chloncen Brysur.
Tair menyw leol i’w hurddo i Wisg Las yr Orsedd yn Eisteddfod Genedlaethol Ceredigion.
- Bu farw gweinidog Brondeifi yn 59 oed – Dylan Lewis
Bu farw Gweinidog Brondeifi yn 59 oed
Pawb mewn sioc o glywed am farwolaeth y Parchedig Alun Wyn Dafis.
- Cau lens y camera am y tro olaf – Twynog Davies
- Cynlluniau am archfarchnad arall yn Llanbed – Dylan Lewis
Cynlluniau am archfarchnad arall yn Llanbed
Gwefan fusnes yn datgelu cynlluniau i sefydlu archfarchnad arall yn yr ardal.
- Oriel Jones – colli cymeriad, cymwynaswr a chyflogwr lleol – Dylan Lewis
Oriel Jones – colli cymeriad, cymwynaswr a chyflogwr lleol
Bu farw’r dyn busnes a roddodd Llanybydder ar y map.
Felly, dyna’r 6 ddaeth i’r brig o ran yr ystadegau. Ond pa un sy’n dod i’r brig i chi?
Pleidleisiwch, trwy…
- mewngofnodi neu ymuno â’r wefan hon (creu cyfrif)
- mynd i’ch hoff stori
- pwyso’r botwm ’diolch’ ar waelod y stori honno (neu hoffi’r fideo Facebook os dyna eich dewis)
Bydd eich hoff stori ar Clonc360 yn cael ei chyhoeddi mewn seremoni wobrwyo arbennig ddiwedd mis Ionawr.